កូនកម្លោះទៅឌុបអ្នកកំដរ ថ្ងៃចូលរោងការ ត្រូវរថយន្តបុកស្លាប់
18-January-2016 | ដោយ ពល រាជសី
ព្រសីហនុ៖ ករណីដ៏ភ្ញាក់ផ្អើលមួយបានកើតឡើង ដោយសារគ្រួសារមួយបានបានកែប្រែរោងអាពាហ៍ពិពាហ៍ ត្រឡប់ទៅជារោងបុណ្យសពឧទ្ទិសកុសលជូនទៅវិញ្ញាណក្ខន្ធកូនកម្លោះនោះវិញភ្លាមៗ បន្ទាប់ពីកូនកម្លោះបានស្លាប់ដោយគ្រោះថ្នាក់ចរាចរក្នុងថ្ងៃចូលរោងការ នៅភូមិតានៃ ឃុំជើងគោ ស្រុកព្រៃនប់ ខេត្តព្រះសីហនុ។ ។
កូនកម្លោះ ដែលនឹងត្រូវចូលរោងការ នៅថ្ងៃទី១៨ ខែមករា ឆ្នាំ២០១៦នេះ បានជួបគ្រោះថ្នាក់ចរាចរ បណ្តាលឲ្យស្លាប់ ដោយសារតែរថយន្តបើកគៀរ ដួលបោកក្បាលនឹងថ្នល់។ ករណីគ្រោះថ្នាក់ចរាចរគួរឲ្យសោកស្តាយ និងបន្សល់ទុកឲ្យកូនក្រមុំ ក្លាយជាស្ត្រីមេម៉ាយខ័ន្ធស្លា បានកើតមានឡើងនៅម៉ោងប្រមាណ ២រសៀលថ្ងៃទី១៧ ខែមករា ឆ្នាំ២០១៦ ក្នុងឃុំកែវផុស ស្រុកស្ទឹងហាវ ខេត្តព្រះសីហនុ។
ក្រុមគ្រួសារបានឲ្យដឹងថា កូនកម្លោះរងគ្រោះ ជិះម៉ូតូទៅដឹកមិត្តភក្តិអ្នកកំដរ ដើម្បីរៀបចំពិធីសូត្រមន្តចូលរោងការ នាល្ងាចថ្ងៃ១៧មករា ហើយត្រូវរថយន្តបុកស្លាប់ ក្នុងឃុំកែវផុស ស្រុកស្ទឹងហាវ ខេត្តព្រះសីហនុ តែម្តងទៅ។
ក្រោយពីកូនកម្លោះរងគ្រោះឈ្មោះស្វាយ រឿន អាយុ២៤ឆ្នាំ បានជួបហេតុការណ៍គ្រោះថ្នាក់ចរាចរណ៍ស្លាប់បាត់បង់ជីវិតនោះ មង្គលការដែលគ្រោងធ្វើផ្លូវការនៅថ្ងៃ១៨មករានេះ ក៏ត្រូវបានលុបចោល ហើយភាគីខាងកូនក្រមុំដែលបូរាណលោកថា មេម៉ាយខ័ន្ធស្លាឈ្មោះអ៊ីត ចាន់ អាយុ២៤ឆ្នាំដូចគ្នា ក៏បានកែប្រែរោងអាពាហ៍ពិពាហ៍ ត្រឡប់ទៅជារោងបុណ្យសពឧទ្ទិសកុសលជូនទៅវិញ្ញាណក្ខន្ធកូនកម្លោះនោះ វិញភ្លាមៗដែរ៕
ចំនួនអ្នកទស្សនា
- ថ្ងៃនេះ371
- ម្សិលមិញ15191
- សប្តាហ៍នេះ43521
- ខែនេះ65401
- ឆ្នាំនេះ65401
- សរុប20507857